潮文共賞第08話 ︳CUT唔到有線 希特拉都CUT唔到 ︳

「潮」是潮流的潮，「文」是網絡文章的文，只要夠爆、夠頂癮、夠貼地、夠好笑，任何文章都可以是潮文。
生活那麼苦，「潮文共賞」由謝遜聲音導航，望為諸位添上一點甜，絕對有益身心健康﹗

第08話﹕CUT唔到有線 希特拉都CUT唔到

來源：網絡文章

⬇️ 原文 ⬇️
根本都cut唔到，我揸住個電話聽咗半個鐘頭音樂耳都熱埋，轉頭仲cut埋線，慶到我屎都急埋即刻打去申請熱線揾人祭旗，第一個係女仔聽… 算數…見你係女仔唔hi你…. 我收線

再打係條靚仔聽，我心唸你大鑊初頭我好好語氣問佢係邊位….丫…. 佢又問番我係邊位，佢死都唔講自己個名，如是者玩咗成分鐘你係邊位我啲粗口開始忍唔住，hi咗佢兩嘢，最後佢同我講佢姓鄧無英文名 ….算數…..我同佢講話cut有線

佢話呢度cut唔到轉介去第二度，跟住我同佢講你邊度都唔使轉介我唔想再聽你啲音樂，跟住佢就同我講"咁我幫唔到你喇，你自己唸辦法啦" 我聽完呢句之後，我成個人個靈魂好似離開個身體咁啲火直頭可以煲瀉一壺水，嗰一刻我直頭當嗰條友係妓女狂hi當我hi得佢啪啪聲嘅期間，佢同我講叫我尊重吓自己

我火都嚟埋，我同佢講我屋又搬咗，條線仲係人屋企，你又唔比我cut你有冇尊重過我呀，跟住佢話如果你再係咁你信唔信我cut你線 跟住我同佢講"你又試吓cut"…..丫…..點知佢真係cut咗我線嘩….我簡直想衝入厨房擸把老牛去有線我hi佢auntie…佢真係夠膽識呀!!!!

搞到我自己都唔知自己想點，office hour又去唔到cut，我收工去佢office仲落埋閘，我就揸住個解碼器周街行，一陣間大頭蝦整唔見埋就真係含j都冇味，我都試過寄掛號，又寫信再Fax，佢就當咗我麻瘋佬咁睬我都傻，聽日我就揸住個解碼器上天台自殺，等啲所謂區議員關注吓

我平時返工都唔帶公事包，兩手空空幾嘆呀，就係為咗呢舊解碼器搞到我日日袋住佢係公事包返工，我唸住睇吓幾時可以行開一陣閃上去有線度cut，不過真係忙到抽筋行唔開，如是者我就揸住佢日日返工放工、happy hour、睇戲食飯，總之佢在我在，佢亡我亡，真係好似一個傻仔，日日袋住都唔知為乜，一來舊嘢已經重二來真係驚自已大頭蝦整唔見，畀人執到當垃圾”DUM ”咗，到時連個公事包都蝕埋我就真係要攞日大假去遊行。

起初啲同事仲以為我買咗部新NOTEBOOK，我都唔識點答佢哋，求其笑吓就算，費事畀佢哋見到我有舊咁嘅野係袋以為我痴咗線。不過我知道紙係包唔住火，有一日成班同事去飲茶，當埋單之際，我唸住喺個公事包攞個銀包出嚟，點知我攞錯咗，潛咗個remote出嚟當銀包，我嗰刻真係唔知可以講乜好，成間酒樓好似靜曬，啲茶客仲以為我想轉台…..就係咁我一手揸住個remote，一手揸住個銀包埋單……..丫……嗰條酒樓阿姐仲好意思問我個遙控係咪佢哋，我面都紅埋同佢講我袋入面仲有舊解碼器連插蘇你要唔要呀。

APPLE ● SPOTIFY ● YOUTUBE 等各大平台登場。

----------
【SOCIAL MEDIA。讚好謝遜】
✅ linktr.ee
--
Hosting provided by SoundOn