Hello,欢迎收听《讲俾你听》粤语播客 今期係一期美食节目，继之前讲过港式茶餐厅、广式茶楼之后，今期同你拆解粤菜嘅精髓，仲有一个更加有烟火气嘅话题——广东农家菜。 倾倾粤菜到底係乜嘢？点解广东人话“鸡有鸡味，鱼有鱼味”係最高评价？仲有嗰个听落好抽象，但一食就明嘅“镬气”，同埋点解广东师奶万物皆可煲汤，连路边木棉花都唔放过？点解一个广东人愿意揸两个钟车、刮几次底盘，都要去山旮旯食一餐饭？嗰啲连地图都揾唔到嘅宝藏农庄，到底藏着咩魔力？仲会讲顺德一鱼三味、开渔节后的海鲜狂欢；仲有Yeeka细个去过嘅农庄回忆！ 有食唔食罪大恶极，识饮识食人生积极！日饮夜饮前程似锦，饮光食光身体健康！见攰就唞，好好吃饭！ヾ(๑╹◡╹)ﾉ" 本期Timeline： 00:00:00 有小小肚饿！今铺踩过界做美食Channel 00:01:30 拆解粤菜核心：“鸡有鸡味，鱼有鱼味”！食材自信与极致新鲜 00:05:40 镬气：猛火铁锅的暴力美学，电磁炉无可复制的厨房浪漫 00:06:54 广东师奶的万能解药——老火汤！“宁可食无菜，不可食无汤” 00:08:58 Yeeka独家“FoodList”，解决永恒难题“今日食咩” 00:10:18 点解广东人热衷于钻窿钻罅揾山旮旯农庄食饭？ 00:12:49 独属广东的市井人情味，一句“照旧”胜过千言万语 00:13:24 Yeeka的农庄回忆：小溪田间嬉戏/原生态马场/蜑家艇仔农家饭独特体验 00:15:32 七月开渔节：海底放完产假，平价生猛海鲜大量上新 00:16:19顺德“鱼米之乡”：一鱼三味过桥做法，将成条鱼由头到尾发挥极致 00:19:52 跳咗去文旅宣传频道？纯粹为食推荐，酬劳用海鲜找数就得哈哈哈哈 00:20:36 氛围感经济学：咖啡店打卡vs农家菜环境加成，吃的都是感觉 00:22:40 有无睇世界杯？真係乜都讲一餐 00:23:56 听完肚饿就打开你嘅“FoodList”，约埋班frd，食佢！ 评论区吹水：有边一味粤菜係令你会无限encore嘅咧？ 附上美食图片（以下内容可能会引起肚饿哈哈哈哈）ps：“老嘢饭”无任何贬义，仅表示山旮旯好难揾嘅宝藏小食馆，食物质素惊人的美味，无精致摆盘，但份量大件夹抵食！毕竟，“食嘢大兜，生活无忧”ദ്ദി˶•̀֊•́)✧ 本期Playlist： 入型入格-KayTse 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期讲“青春”！适逢毕业季，你有冇谂过，人一生人最聪明嘅日子，其实係高考嗰几日？上知天文下知地理，出师表倒转都识背，数学公式写到成版纸冇晒位，唔止係咁，体力都犹如蛮牛，跑八百一千易过食生菜！同埋讲讲高中生嘅限定skin：鲶鱼须、半框眼镜、纯天然中分。仲有课间十分钟偷偷听歌、传纸仔、望窗发呆，放学冲去食鱼蛋车仔面，当时嫌闷嘅日常，而家先知係最奢侈嘅回忆。你话咧，青春到底係咩味道？係打完波嗰阵“男人除”，定係海洋调香水嘅清新？如果青春有颜色，你又觉得係咩色？再讲到校服上面嘅签名、毕业照里面嘅笑容……有几多人过咗暑假之后一世冇再见了？除咗感性回忆，仲会计返盘数：今年1290万高考生，每人四万蚊关联消费，考前考后撬动超过5000亿经济产值。坊间流传“高考五件套”，你当年中咗几样？带住呢段岁月俾你嘅勇气，奔赴属于你嘅辽阔世界！ 快啲揿开收听，一齐怀念嗰段好pure好true嘅日子喇！ 本期Timeline： 00:00:00 高中嗰阵最chur又最纯粹！知识浓度、记忆力、体力都系巅峰 00:02:44 “有借有还，再借唔难”：啲知识已全数归还俾老师 00:04:32 青春滤镜：隔住mon都feel到高中生嗰种朝气同希望！ 00:05:27 如果青春有味道/颜色……咁，会系点样㗎？ 00:08:10 课间十分钟，人类时间管理嘅奇迹！碎片时间承载咗好多回忆 00:10:37 校服签名/影毕业相，嗰年暑假后，好多人一世唔会再见 00:12:47 同学聚会：个脑仲係load紧佢哋细个嗰阵啲样 00:15:03 高考经济：1290万考生撬动5000亿消费 00:16:32“高考五件套”少咗一样，都对唔住嗰个滚烫的青春！ 评论区吹水：你读书时期最难忘嘅经历係乜嘢？ 本期Playlist： 永恒少年-曾乐彤 给十年后的我-薛凯琪 青春本我-冼靖峰/何晋乐 18相送-Shine Forever Friends-Cookies 我们的纪念册-Twins 有你有我-SupperMoment 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期讲一个好有趣嘅比喻，炒股有赚有蚀，人生有起有跌，如果人生係交易所，每个人一出生，就自动挂牌成为一只“新股”。有人天生蓝筹，有人开局细价，但係，呢个市最有意思嘅地方就係“一日未退市，一日都仲有机会”！今集唔讲投资，而係用炒股嘅角度思考人生：点样睇自己嘅K线图、维护你嘅基本面、同埋点样喺好似横盘嘅日子入面，相信自己其实係一只静鸡鸡蓄紧力嘅“潜力股”！顺便，都会讲讲点样用呢个心态，去睇职场、甚至追星……希望呢个有啲无厘头但又几贴地嘅比喻，可以俾努力但会迷茫嘅你，一啲轻松嘅启发同鼓励喇！你，绝对係值得长期持有嘅潜力股ദ്ദി˶•̀֊•́) 利申：本期内容纯吹水，不构成任何专业投资建议，投资有风险入市需谨慎。 本期Timeline： 00:00:00 由波板糖到高考场：谁亦会随年变老，方懂得童年多好 00:02:54 天气乱报：广东人嘅精致，败咗俾焗热桑拿天 00:05:45 如果每个人都是一支挂牌上市新股…… 00:06:23 “发行价”唔由你话事，“天地板”看尽人生起落 00:07:13 “K线图”：情绪起伏如分时行情，长线趋势始终向上 00:08:58 “人生基本面”：健康、关系、阅历、心态人品，就如主力资金、固定资产、无形资产、分时走势四大核心 00:10:17 “潜力股”：横有多长竖有多高，缩量横盘是储力，MACD黄金交叉等爆发 00:11:36 “688301”：由两百跌到六十再爬返上嚟，一日未退市一日仲有机！ 00:12:51 状态迷失就“申请停牌”，适时暂停係为咗重整节奏 00:13:11 “利好利空消息面”：将外界评价归为市场情绪，劝谕看重长期趋势 00:13:44 长期持有者攻略：复盘、相信与“派息”，守住自身基本面，你係越放越值钱潜力股 00:14:33职场即股市，入职即挂牌，如果打工仔係一只新股…… 00:15:04追星如炒股，fans係主力，粒星出歌係业绩公告，股东们止蚀离场定继续持有？ 评论区吹水：现阶段嘅你，係横盘蓄力，定係稳步拉升？ 本期Playlist： 青春颂-许廷铿/林家谦 宇宙洪荒-Swing 数字人生-林子祥 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 本期节目是限定国粤双语！兼顾外地朋友科普与广东听众情怀共鸣，从“一盅两件”到四大天王，从码头苦力歇脚的“二厘馆”到如今精致的岭南美食名片，用声音带你深入“叹”一场地道的广东早茶！你会听到：早茶为什么叫“叹”？啷碗、揭盖续水、叩指礼等老广专属仪式感有哪些讲究？拆解“粤式点心四大天王”虾饺、烧卖、叉烧包、蛋挞如何封神？深度盘点各类经典蒸点、煎炸小食与特色老火靓粥，还有几乎绝版的香蕉船、遮仔啫喱和奇趣蛋童年回忆杀！广式、顺德、潮汕早茶各地域风味有何不同？无论你是茶楼长大的本地人，还是想来打卡的外地朋友，点开收听，得闲饮茶！ 本期Timeline： 00:00:00 用声音带你走进广东早茶文化 00:02:53 历史溯源：从“一厘馆”到茶楼，“有钱楼上楼，无钱地下踎” 00:04:45 “得闲就去饮茶”！早市/午市/夜市，全时段享受 00:06:28 早茶的正确打开方式：落茶位/拣靓茶/茶位费 00:07:33 老广饮茶专属仪式感：啷碗、揭盖续水、叩指礼 00:08:45 点心届“四大天王”：虾饺、烧卖、叉烧包、蛋挞 00:11:38 童年回忆杀！细路仔嘅快乐：香蕉船、遮仔啫喱、奇趣蛋 00:14:18 广式早茶风味全盘点！蒸点、煎炸、粥品、甜点，附上一份必点不踩雷清单（凤爪、排骨、糯米鸡、萝卜糕、炸两、肠粉、艇仔粥、及第粥、马拉糕、猪仔包……） 00:21:54 老广专属点餐暗语（摞单、写低、加位、埋单） 00:22:47 广东早茶地域差异/一个避雷提醒 00:24:22感情联结情怀升华：早茶是刻在广东人DNA里的温情与松弛 评论区吹水：广东嘅朋友仔，你最爱嘅早茶点心係边款？/外地的朋友们听完这期节目，最想打卡哪一款早茶点心？ 本期Playlist： 饮早茶L埋你大姨妈-灵山村帮 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今铺五一假期，你係去咗游山玩水定係同周公深度交流？我就俾朋友拉去试食鱼生，结果……只能讲，生嘅嘢都係交俾兽医稳阵啲哈哈哈，快乐永远短暂，假期后遗症仲惨过失恋，何况今个星期六要补班㗎。 今集係有啲闷嘅自我对话，上集我分享咗点样用两年“硬颈”圆梦大气电波，最近消化咗啲事实心态变咗，觉得好应该用一期整理同记录感想。 有一种梦想，无论几努力几痴线，个世道唔允许，始终做唔到。电台式微、听众流失、前辈劝退，甚至话“你做几万期podcast都入唔到行”。时代要淘汰一样嘢，唔会理你几有天份，就似梦想被判死刑，係咩感觉？梦想成真，需要人为嘅努力、才华同天分、時代嘅成全、合适嘅机遇，如果呢啲因素都无，仲係早早收皮罢了。 由觉得“值得就应该得到”，到明白“值得同得到从来唔係对等”；我留咗三成俾不切实际嘅执念，七成转做播客，留住大气电波嘅温度。世界唔再纯粹，我选择保留一份天真，或许，梦想唔一定会以我预期嘅方式实现，但嗰份为热爱付出过嘅纯粹同热血，会以另一种形式延续落去。 “梦想”係一件On9又热血嘅事，恭喜发梦！ 本期Timeline： 00:00:00 五一假期siu一声就过，解锁鱼生初体验 00:02:45 传统电台渐成“夕阳行业”。梦想，也有生不逢时吗？ 00:07:51 “值得”≠“得到”，梦想不能当饭吃 00:10:03 “L”不出个所以然，但依然留30%给执念 00:11:05 在功利的世界，笨拙地保留一份纯粹 00:12:32 所有经历都是累积，热血过就无悔 00:14:16 粤港电台联手合作，联播新节目打造音乐榜 本期Playlist： 佚名-梁钊峰 空无之地-陈蕾 歧义种子-KiriT 假使世界假使世界原来不像你预期-方皓玟 我可以我可以被世界淘汰，但不可以被世界击败-KayTse 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期係两周年特别节目！两年前，一个追梦上脑嘅𡃁妹匿喺房对住支唛开始咗第一期播客，初心係坚信有一日，要坐喺电台直播室，喺大气电波讲声Hello。今日，我终于做到咗！ 第一次电台online上唛，坐喺嗰张櫈、摸到嗰支咪、监听耳机有自己把声，紧张到有甩漏节奏有啲唔啱仲deadair……但做到呢件事我已经当自己赢咗。今期就放大段直播录音俾大家feel下，其实主要係我想为第一次留个纪念哈哈哈，原来梦想成真嘅感觉，係想喊又想笑㗎！ 做Podcast两年喇，唔怕同你讲，多咗份迷茫，现实脑同追梦脑喺度只抽ing……现实係，喺梦想呢条路，可能行到尽都係南墙。追梦同拍拖一样，太沉船都好易淹死自己。“足够嘅热爱 ＋ 平凡嘅坚持 ＝ 伟大嘅梦想”呢条公式冇呃人，只係个世界行得太快，我跟唔上尾班车啫。 其实逐渐消化想通，或被迫接受事实？我可以有陈蕾的“想到就去做 不管对错”，热血过试过确认过，现实真的不允许，就转个念？不代表全盘放弃，转换一种形式，不执着，因为太chur好攰，做播客都可以留住大气电波的温度。 多谢呢两年冇放弃嘅自己，多谢一路支持【讲俾你听】嘅你，多谢常欢老师，多谢阿Yan，多谢FM94.9。强烈推荐大家收听FM94.9肇庆旅游之声工作日周一到五中午一点 ，电台黄金档王牌节目【喂啊翻埋嚟】！ 最后，就算呢个梦醒咗，我都係曾经发过梦嘅人，都係嗰句喇：恭喜发梦！ 后附圆梦视角，讲个秘密你知，上电台开唛嗰阵，我手表显示心跳无落过百二哈哈哈，紧张到痴线哈哈哈，好荣幸落唛后“追声成功”，4D感受平时只会喺收音机听到嘅声线 做咗件浪漫又疯癫嘅事：小蛋糕吹蜡烛庆祝两周岁生日！ 本期Playlist： 凡星-陈蕾 填词魂-谢雅儿 无尽-SupperMoment 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期倾最近洗版朋友圈嘅“SBTI”，点解而家GenZ唔再信星座同MBTI，反而沉迷一个自称“傻更更”嘅测试？其实，由当初想“认识自己”，到而家用“废物”“吗喽”嚟形容自己，呢个转变本身就讲紧当代人唔想再被“精英人设”绑架。与其被既定标签定义，不如用荒诞消灭一切。会盘点解读SBTI廿几种人格，更探讨点解话SBTI其实同MBTI一样，最终都係一个“标签游戏”？点解自嘲先係呢个时代最硬净嘅防御？测试完、笑完、分享完，当代年轻人真正需要被睇到嘅，究竟系乜？ 自嘲系高级防御，真实系稀缺勇气。唔需要被定义，只需要被感受ヾ(๑╹◡╹)ﾉ 本期Timeline： 00：00“SBTI”洗版朋友圈，热度癫过当年MBTI 00：42星座→MBTI→SBTI=标签分类抱团取暖 01：53Yeeka实测体验：越离谱越正，越骑呢越啱 03：04从渴望“被理解”到以荒诞“反定义” 04：28点解“自嘲式标签”比“精英感人设”更受年轻人追捧？ 05：50SBTI人格图谱全拆解，你属于边类？ 14：58MBTI vs SBTI：娱乐玩梗，还是身份反抗? 评论区吹水：你嘅SBTI系咩？你有无试过被星座/MBTI既定标签绑住？ 本期Playlist： 俗-Shine 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期倾倾属于广东人嘅“民间NBA”——粤BA！广东21城人才济济藏龙卧虎，为力争冠军宝座“大打出手”？只需要“八蚊八”亲民票价，就有机会睇到隔离屋体育阿sir变身“草根球星”！参透“友谊第一，宵夜第二，比赛第三”嘅独特松弛哲学。今期会逐一解码21个城市队徽与Slogan背后嘅“文化内卷”！中场互赠礼物环节，堪比城市特产博览会，谁不知礼物都有伏？赛场上演“双加时”，呢份热血与刺激程度，分分钟劲过武打片！年轻球员嘉宾分享从街场打到赛场嘅真实心声。粤BA，推行全民健身、增强乡土认同、促进周边消费，係体育+文旅+城市文化嘅全民盛事。想现场撑主队？微信搜“广东篮球粤BA”买飞；懒得出街？锁定“广东体育频道”Online观赛。即刻收听，透过声音感受呢份最贴地嘅热血同烟火气！ 粤BA队徽观赏区： 本期Timeline： 0：00广东民间篮球盛宴“粤BA”开波！ 0：32赛事亮点解读！“粤BA”究竟有几特别？ 2：26广东21市队徽&Slogan全拆解：方寸之间“晒”出家乡骄傲与文化自信 15：22中场互赠礼物大揭秘，边份最伏？ 19：30双加时激战！搏到0.01秒嘅热血对决诠释极致体育精神 20：20为城而战，草根封王！03年肇庆队小将用球员视角讲述参赛真实心声 23：52“粤BA”隐藏意义：不止篮球，一场赛事点样“搞旺”成座城？ 25：08购票观赛撑场/Online直播指南！ 评论区吹水：边支球队会杀出重围，登上冠军宝座？等你哋嚟估！ 本期Playlist： 爱情当入樽-Twins 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期係失眠必听，讲故事氹你瞓觉！听到有朋友仔话“Yeeka把声好啱做被窦电台”“我瞓唔着嗰阵好中意听住呢把声”，所以，今集温柔tone纯讲嘢嘅“长气”播客就出世喇！同时，这是一份给零基础粤语初学者的“广东话磨耳朵素材”，希望能帮助你们熟悉语感！ 故事选自心理学畅销书《蛤蟆先生去看心理医生》，“蛤蟆（haa1 mou1）”粤语口语读作“蛤乸（gap3 naa2）”/“蠄蟝（kam4 keoi4）”，但由于这两个词听起来不太助眠，所以还是保留原文读法“蛤蟆”。 日头搏杀咗成日，去到夜深人静嘅时候，一定好攰㗎喇，揾个最舒服嘅姿势训低，熄咗盏灯，冚好张被，将所有嘅烦恼压力焦虑，通通放低，然后听我慢慢讲，希望呢段录音可以俾你一啲温暖，愿你今夜好眠！ 本期Timeline： 00：58序章（抑郁症症状/心理谘询师/来访者） 05：59第一章（情绪温度计/自我概念/儿童自我状态） 12：14第二章（倾听的力量/行为模式/儿童自我状态） 20：30第三章（顺从行为模式/共情/被理解的力量） 31：55第四章（自我觉察/防御机制/道德中立原则） 38：27第五章（阻抗/父母自我状态/情商） 48：00第六章（人格结构/人生剧本/条件反射理论） 56：05第七章（叙事治疗） 1：04：49第八章（人生剧本/人生座标/心理游戏） 1：13：56第九章（低自尊/心理游戏/心理游戏特征） 1：19：28第十章（人本主义心理学/移情/独立性与共生性） 1：30：52尾章 1：40：25你瞓着觉未？ 本期Playlist： OverOver-雷同二友 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期有啲厌世Mode，从“假期综合症”讲起，谂起翻学好憎嘅寒假作业，到返工廿四个钟微信轰炸。点解我哋由细到大好似永远困喺一个怪圈？ 同你分享一个爆红全球嘅动物界暖心故事，日本有只被猴妈妈遗弃嘅马骝仔Panch，靠揽住一只IKEA毛绒公仔，一次又一次咁尝试融入猴群。点解一只马骝仔会令好多人感动到眼湿湿？可能因为都经历过嗰种“揽实啲嘢先有安全感”嘅瞬间吧？其实每个人都需要一件属于自己嘅“安抚公仔”，可能係一首歌、一间咖啡铺、一杯手摇……我哋同马骝仔Panch一样，都喺度学习点样喺受挫后，缝缝补补叉满电再出发！IKEA今铺“无心插柳”真係成最大赢家。揿入嚟倾听呢份跨越物种的温柔共鸣喇！ 本期Timeline： 00：00吹水（假期综合症/好L憎寒假作业/间歇性厌世/每逢佳节胖三斤） 02：45“动物界顶流”-Panch：一只马骝仔同佢嘅IKEA公仔 05：13Punch生存必修课：被推开，再尝试 08：46點解我哋會俾Punch感动到眼濕濕？ 10：14每个人都需要“安抚公仔” / 情感替代品 11：34成长唔係一步到位，俾啲时间慢慢嚟 12：43IKEA成大赢家：无心插柳嘅情感营销 评论区吹水：今日你“攬住”嘅，係乜嘢？ 本期Playlist： 安静的水晶球-丽英 新牌仔-李幸倪Ginlee 宫崎骏的蓝与绿-周国贤/张国颖/翁清茹 第二天（快乐是...）-KayTse 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 本期是新春特辑！Yeeka开启“国粤无缝切换”模式，专为零基础学粤语的朋友打造新春粤语小课堂，兼带你沉浸式了解广东地道新年习俗！不仅详解广东人的“利是”文化，更奉上一系列实用粤语新年喜庆祝福语！从万能金句“恭喜发财，利是逗来”到生动有趣的“掂过碌蔗”，助你轻松融入广府年味。还会带你领略广东过年仪式感：逛花街、迎财神醒狮采青、食煎堆年糕寓意、年廿八“洗邋遢”……最后特别致敬“夸夸天花板”广东师奶，感受她们“接地气的温柔”！Shownote附上祝福语与粤拼，无论你是初到广东上学，还是想学习用粤语拜年，这期知识干货，绝对不容错过！ * Mark低啲shownote️： 恭喜发财，利是逗来 gung1 hei2 faat3 coi4, lai6 si6 dau6 loi4 掂过碌蔗 dim6 gwo3 luk1 ze3 捞乜都掂 laau1 mat1 dou1 dim6 身体健康 san1 tai2 gin1 hong1 心想事成 sam1 soeng2 si6 sing4 万事如意 maan6 si6 jyu4 ji3 升职加薪 sing1 zik1 gaa1 san1 升职加人工，发达好轻松 sing1 zik1 gaa1 jan4 gung1, faat3 daat6 hou2 hing1 sung1 学业进步 hok6 yip6 zeon3 bou6 步步高升 bou6 bou6 gou1 sing1 得心应手 dak1 sam1 jing3 sau2 快高长大 faai3 gou1 zoeng2 daai6 家肥屋润 gaa1 fei4 uk1 jeon6 盘满钵满 pun4 mun5 but3 mun5 猪笼入水 zyu1 lung4 jap6 seoi2 横财就手 waang4 coi4 zau6 sau2 生意兴隆 saang1 ji3 hing1 lung4 四万咁口 sei3 maan6 gam2 hau2 眉精眼企 mei4 zing1 ngaan5 kei2 青春常驻 cing1 ceon1 soeng4 zyu3 靓到爆镜 / 型到爆镜 leng3 dou3 baau3 geng3 / ying4 dou3 baau3 geng3 旺到飞起 wong6 dou3 fei1 hei2 运气爆棚 wan6 hei3 baau3 paang4 新年快乐，身体健康 san1 nin4 faai3 lok6, san1 tai2 gin1 hong1 祝你心想事成，万事胜意 zuk1 nei5 sam1 soeng2 si6 sing4, maan6 si6 sing3 ji3 祝大家马年行大运 zuk1 daai6 gaa1 maa5 nin4 hang4 daai6 wan6 笑口常开，好彩自然来 siu3 hau2 soeng4 hoi1, hou2 coi2 zi6 jin4 loi4 食极唔肥，发达唔奇 sik6 gik6 m4 fei4, faat3 daat6 m4 kei4 掂过碌蔗，瞓醒就Hea dim6 gwo3 luk1 ze3, fan3 seng2 zau6 hea1 * 本期Timeline： 00：00喜迎新春特别节目，国粤双语限时回归！ 01：15新年重头戏：“逗利是”！/“利是”由来与讲究：利是=利事=利市/讨红包的乐趣/广东人派利是讲求好意头：讲心唔讲金 04：58广东新年必备！粤语祝福语地道表达 12：19祝福语组合运用与趣味例句，学会可以在朋友面前炫耀！ 13：08广东新年传统习俗：贴挥春、食煎堆、蒸年糕、团年饭、大扫除、洗邋遢、行花街…… 16：25新年夸夸群上线！广东师奶情绪价值拉满，乜都赞一餐！ 18：42年味淡了？还是长大了快乐门槛高了？ 评论区吹水：你有什么特别难忘的新年回忆呢？ * 本期Playlist： 你最红-Twins 祝【讲俾你听（粤语播客）】各位精神股东，掂过碌蔗，捞乜都掂，赢到开巷，旺到飞起，附上Yeeka嘅毛笔字，喜庆feel浸出个mon！最紧要开开心心！ 广东特色电鸡都要贪好玩写车，都系嗰句啦，自己动手丰衣足食，听讲电鸡係广东特产，电鸡之城哈哈哈，其实揸电鸡係真方便，出街食宵夜唔洗揾车位同俾停车费 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 2026年过去一个月喇，你嘅新年Flag又双叒叕立好了吗？今期Yeeka同你倾下呢个“年度打脸循环”，从吉到变闪电侠嘅羊毛冷衫讲到“P人J人“旅行哲学，点解我哋忍唔住立Flag，又永远做唔到？总係热血的开始、安静的放弃？搜罗咗美国Flag数据、三大心理原因同烂尾真相，仲准备咗正经方法同“野路数”方法，总有一款适合总想放䠋（躺平）嘅你！记住少啲消耗自己，温柔咁对待嗰份想变好嘅心意。无论你係想认真立Flag定係单纯想听广东话，希望呢期可以陪你放放松，揾翻一份温柔嘅动力。 【讲俾你听（粤语播客）】小红书账号跃进升级！一分钟国粤双语精华字幕版全新上线！学习粤语更快更便捷，快啲去follow喇！ 本期Timeline： 00：00天气乱报/冬日穿搭（吉到扎扎跳嘅羊毛冷衫、超襟着嘅校服裤） 02：55立Flag失败经典路径“360度無死角螺旋式打脸”/P人与J人的旅行哲学 06：06Flag点解成日倒？全球十大热门愿望，你中咗几多条？ 07：22立Flag嘅三大“爽点”：提前攞奖励、错觉掌控人生、节日仪式感 09：29Flag烂尾嘅真相：唔好期待一啲你控制唔到嘅嘢、感情Flag别乱立 13：04点样立Flag先稳阵？正经方法幫緊你幫緊你 15：48仲係坚持唔到？试下“野路数”包无甩拖 19：19Yeeka立Flag，我有理想唔係咸鱼！ 20：26主播的话，致正在学粤语的你（广普出没请注意） 本期Playlist： 中暑伤风加失恋x2-KiriT All We Have Is Now-方皓玟 I Wish-Jace陈凯咏 小故事-JW王灏儿 Make A Wish-蔡卓妍 我想过一个怎样的人生？-方皓玟 (cr:jobscallme) 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期係纯吹水，00后半只脚踏入社会，呻下返工小感悟。“社会大学”新生报到！学生的幻想，社畜的现实，由等“几点落堂”到谂“几点收工”，喺“做好本分”同“学习圆滑”之间挣扎拉扯；明明付出200%努力，却经常被当成“免费工具人”，遭遇“真心错付”的委屈。点解尽心尽力却换唔到认可？坚持真诚係唔係注定被人忽略？从委屈到清醒，从迷茫到成长，点样喺复杂环境入边保护自己，又唔失去最初心？点样守住一份“知世故而不世故”嘅清醒的善良？ shownote滑落去有惊喜！打工仔最明白打工仔，揿开听听，或者你会揾到共鸣！ 本期Timeline： 00：00天气乱报/广东大冬天有曱甴 01：38 00后初入职场嘅小挣扎与小感悟 本期Playlist： 返乡下耕田啦你-林海峰 送啲喺ig搵到嘅图俾大家，祝你少劳多得不劳而获哈哈哈（cr：jobscallme、k.for.kirei） 做块紫菜，置身事外。事不关己，唔L想理 粒星嘅脆，粒星讲乜都啱嘎哈哈哈 打工仔必修课！一日一睇日日清醒！ 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 2026首期温暖上线！今期Yeeka同大家倾下点样喺冻到“一日跨四季”嘅天气同“朝九晚五”嘅日常入面，重新思考“幸福”究竟係点样㗎？事关Yeeka买咗本好“离地”嘅书，入边有个chapter讲“幸福”，想尽量“贴地”咁表达做呢期podcast。由作者嘅快乐checklist讲起，到拆解“目标点样绑架幸福？”“係咪拥有得多就会幸福？”“係唔係要到退休，先识得咩叫幸福？”“如果已经好幸福，你嘅一日会点过？”抑或係，幸福其实就藏喺你日日行到厌嘅嗰条路入边？无论你係为啲乜奔波紧，都欢迎你揿开收听，搵返属于你嘅小确幸！ 人所感觉到的幸福，通常是在无关紧要的细节中酝酿起来的。-《日常的深处》王小伟 本期Timeline： 00：00封面Upgrade！/天气乱报/Yeeka啲三分波的确屈机 01：49由细路仔到打工仔，人生好似行紧KPI…… 04：43快乐Checklist大公开！幸福原来可以分成三大派别 08：15发个白日梦！你理想中完美嘅一日係点㗎？ 10：02幸福≠完成某目标，不如留意背后嘅价值？ 11：51幸福唔使等退休！佢唔係一项BigProject,而係一堆SideQuest 13：22通勤一路绿灯，呢单嘢真係劲难得 评论区吹水：你最近遇到什么小确幸？ 本期Playlist： 晴天 阴天 雨天-郑中基 一百个未老先衰的方法-MC张天赋 一天-陈柏宇 在空中的这一秒-林家谦 幸福之歌-SupperMoment 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢

Hello，欢迎收听《讲俾你听》粤语播客 今期係年度特别呈现：Yeeka私心冷门粤语歌单推荐！告别主流热播歌，深入音乐宝藏库，为你带来超过二十几首未必大热但绝对有料嘅粤语作品，每首歌都藏住态度同故事，冷门但高质！ 从黄健怡、钊彤嘅独立态度，到陈蕾、GinLee嘅深度演绎，再到SENZA、雷同二友嘅别致混响……今期会带你听女歌手、男歌手、合唱歌同乐队组合四个类别嘅精选小众粤语歌！ 无论係想发泄、求陪伴定係寻浪漫，每种心情都可以揾到一首“懂你”嘅冷门佳作。如果你已经听厌流水线情歌，渴望发掘乐坛新声代“沧海遗珠”，呢度就为你打开一道主流之外嘅音乐侧门。如果你都相信，好作品唔应该被埋没，快啲揿个播放！希望呢份歌单可以令你“耳前一亮”，话唔定，下一首你最中意嘅歌，就係呢度搵到㗎！ 「全年度有几多首歌给天天的播 给你最愉快的…烧鹅•ᴗ•」我个Playlist，就係同热门对着干，唔好问我点解唔听Hit歌，问我今年掘到乜宝藏hhh 戴翻顶头盔先！尊重版权，对推荐的音乐感兴趣，请到各大串流平台支持歌手作品；纯属个人观点。 【讲俾你听（粤语播客）】2025收官致谢！全年更新五十四期，设备迭代升级，最珍贵係各位听众一路支持！多谢你哋愿意用时间，一齐守护粤语的温度。我会持更，坚信有朝一日，呢把声会劈入大气电波！ 本期Shownote/Timeline/Playlist： 01：37【小人国-黄健怡Winky】 「但仍自勉着前面转弯总有好人 携著我手 逃离黑暗」 “少女版小心地滑”，Wyman犀利填词，发泄一流，对抗小人仍温柔有力量。 04：36【超级市场关门前-黄健怡Winky】 「像我这种性格 只表面勇敢 心底不潇洒」 将单身喻为临期商品，探讨爱情价值与坚持，编曲细腻道出内心忐忑与挣扎。 09：01【世界上最烂的人-潘钊彤Chiutung】 「明知道会伤心也开心 偏偏锺意你是坏人」 “飞女正传2.0”，PopRock轰烈沉船歌，义无反顾懒理世俗眼光，浪漫中带堕落感。 12：08【平凡人的情歌-Apple凌雪怡】 「年年月月过 一个人的上班 一个人的放空 来来回穿梭」 黎明旗下十九岁妹妹仔，旋律朴素声线纯净，普通人接纳平凡认真生活的自洽。 14：02【求救的勇气-陈蕾】 「原来我敢求救 已经足以被勇气治好」 “乐坛社工”，颤抖声线叩问自我价值，鼓励坦诚脆弱便值得被爱。 18：00【空无之地-陈蕾】 「这境界 越虚无 越拥有」 直面空无放下包袱，一无所有亦是新起点。 20：43【白夜行（极夜版）-Gin Lee】 「茫茫天荒听我狂歌 点起希望」 极暗夜中自发光芒，意志坚定的力量之作，编曲比原版更强。 22：38【深层消毒-Irene林芊瑩】 「寻找一种去污剂 能擦掉你触摸过满身的污秽」 Wyman填词，清洗不忠回忆，声线似JC混合Kay，耐听有后劲。 24：11【离得更近-Bernard Chan】 「曾令你快乐 都不枉灌溉」 emo大提琴底，分手还能不能做朋友？或许，换个身份，能获得“新的永远”？ 26：22【不追不赶-Bernard Chan】 「追不到 不追世事变化 赶不到 通通放弃作罢」 在奔波中慢下步伐，享受呼吸与当下。 28：17【聪明豆-陈毅燊ANSONBEAN】 「男孩从来不擅长 暧昧时解读对手」 Bad boy演绎出拽拽中二味，旋律兼带Rap抓耳爆灯，一次爱上！ 29：45【黎明教会我的事-Yuta】 「预了黑暗 心裏有光 就能度过」 听听他“老板“教会他什么事？ 30：32【和所有错的人谈恋爱-REGENT林暐竣】 「我只是坏男孩 怎抗拒花火 能被你留在枕边那人 不是我」 环球唱片乐坛新人，探讨在错误恋爱中全情投入学习，不计后果去爱。 32：04【恋爱漫游-Mark Chan】 「和你抱紧一天拥吻 零下气温轻飘雪花的陪衬」 劲小众小甜歌，轻松浪漫适合冬天听，漫游在恋爱氛围中。 32：42【今晚无人入睡-Georgina陈樂頤/吳林峰】 「如何活得开心 此际有谁过问」 结他底安静治愈，追问快乐与安眠何处寻。 33：40【绿荫吹成黄叶-Tr33/Byejack】 「我为你等到绿荫吹成黄叶 我为你等到雪花招来狂蝶」 正宗氹妹猪MK歌，风格chill入脑，电音分分钟引起静电，无需深究内涵。 34：30【You Exist in my Song-Byejack/Midnight海伦】 「若雨水沖淡原有细腻 记忆裏仍难忘记」 继听海浪后再度合作，旧曲新制，依然有byejack标志性电音。如果，你台纯电动就嚟无电，咁你可以试下喺车度播byejack哈哈哈哈：）讲笑 35：22【一人旅-何佩/SENZA A Cappella】 「踏上那新的宽阔空港 投入像明日景况」 “虽然歌手有点大白嗓的感觉，但配上A Cappella迷之好听” 36：08【Over Over-雷同二友】 「伤心假使抹不走 就让泪滴找一个出口」 “林家谦式”Intro，“轻柔版求救的勇气”，用音乐安静陪伴与倾听城市人的压抑。 37：27【失恋 (及其他灾难)-Jaime Cheung/Georgina陈樂頤/Kay李凱翹/Beanies】 「并没有那样糟」 组合重组少和音，失恋惨定散团惨？佢哋话…… 38：55【Never-never Land-Collar】 「总于不安裏漫游 我的心跳更自由」 电子玩味浓厚，鼓励发白日梦飞出围墙，寻找专属奇遇。 39：46【留声-SENZA A Cappella】 「但愿为你轻轻的唱歌」 温柔的“声沙”A Cappella，如逼三号线中的绿洲，用声音传承城市故事。 41：11【盛夏之后-SENZA A Cappella】 「盼望远方再昏暗 总有歌伴我经历过 几多怯懦痛苦愉快起跌亦能捱得过」 五条声带交织层次更丰富，歌词细腻精巧。 42：33【One Way-I Love You Boyz】 「係 个世界确实有古怪」 旋律轻快，林家谦、Pandora各有演绎版本。 评论区吹水：2025听咗啲咩好正嘅粵語歌？/你嘅年度Top1係边首作品？/今期入边嘅歌有边首令你“耳前一亮”？ 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看精华字幕版；投稿邮箱：3974119295@qq.com；WeChat合作：GBNTpodcast 喜欢的欢迎Like Subscribe噢